កម្លាំងនរគបាលចាប់ចោរឆក់កាបូបស្ត្រីបរទេសម្នាក់រួចជិះម៉ូតូទៅបុករថយន្ដបណ្តាលឲ្យរងរបួស
08-August-2016 | ដោយ មែន កំសត់
ភ្នំពេញ៖កម្លាំងនរគបាលប៉ុស្តិ៍ស្រះចកបានចាប់បានចោរឆក់កាបូបពីស្ត្រីបរទេសម្នាក់រួចក៍ជិះម៉ូតូព្យាយាមរត់គេចទៅបុករថយន្ដបណ្តាលឲ្យដួលរងរបួស។ហេតការណ៍បានកើតឡើងនៅចំណុចខាងមុខផ្ទះលេខ ៤១A ផ្លូវលេខ៧៥ ក្នុងសង្កាត់ស្រះចក ខណ្ឌដូនពេញកាលពីថ្ងៃទី៧ខែ សីហាឆ្នាំ ២០១៦ ។
មន្ត្រីនគរបាលបានឲ្យដឹងថាជនសង្ស័យទាំងពីរនាក់ដែលកម្លាំងល្បាតចាប់ខ្លួនឈ្មោះ យុទ្ធ ថាវីត អាយុ១៨ឆ្នាំនិងឈ្មោះ ឈិន បញ្ញា អាយុ១៨ឆ្នាំ ត្រូវបានឃាត់ខ្លួនក្រោយពេលដែលពួកគេទាំងពីរនាក់ជិះម៉ូតូម៉ាកនិច ពណ៌ក្រហមលាយខ្មៅ ពាក់ស្លាកលេខភ្នំពេញ ១CG-៣៨៦៦មួយគ្រឿងធ្វើសកម្មភាពឆក់កាបូបពីស្ត្រីជនបរទេសម្នាក់មិនបានសម្រេចនោះ។
មុនពេលកើតហេតុមានស្ត្រីជាជនជាតិបរទេសចំនួនពីរនាក់ដើរបណ្តើរគ្នាក្នុងទិសដៅពីត្បូងទៅជើងតាមបណ្តោយផ្លូវលេខ៧៥។លុះមកដល់កន្លែងកើតហេតុក៍មានជនសង្ស័យទាំងពីរនាក់នោះបានជិះម៉ូតូមកក្បែរនិងធ្វើសកម្មភាពឆក់កាបូបស្ពាយពីស្ត្រីជនបរទេសម្នាក់បណ្តាលឱ្យដាច់ខ្សែធ្លាក់ដី។
ប្រភពបានបន្តថាពេលនោះក្រុមស្ត្រីជាជនបរទេសទាំងពីរនាក់ក៏បានស្រែកឆោឡោឡើងធ្វើឱ្យមានការភ្ញាក់ផ្អើលកើតឡើងនិងធ្វើឱ្យពួកគេទាំងពីរនាក់ភ័យស្លន់ស្លោក៏បានជិះម៉ូតូរត់ទៅបុកនឹងរថយន្តមួយគ្រឿងដួលត្រូវប្រជាពលរដ្ឋនិងកម្លាំងល្បាតរបស់ប៉ុស្តិ៍មកដល់និងធ្វើការឃាត់ខ្លួនបានភ្លាមៗតែម្តង។
ក្រោយធ្វើសកម្មភាពក្រុមជនសង្ស័យទាំងពីរនាក់បានបញ្ជូនទៅសាកសួរនិងធ្វើកំណត់ហេតុដើម្បីបញ្ជូនខ្លួនទៅអធិការដ្ឋាននគរបាលខណ្ឌដូនពេញ ចាត់ការទៅតាមផ្លូវច្បាប់៕
ចំនួនអ្នកទស្សនា
- ថ្ងៃនេះ1101
- ម្សិលមិញ11441
- សប្តាហ៍នេះ30931
- ខែនេះ146081
- ឆ្នាំនេះ146081
- សរុប20588537